HABARI KUHUSIANA NA KUAHIRISHWA KWA KESI YA ZITTO

Mahakama kuu kanda ya dar es salaam imeahirisha kutoa maamuzi katika kesi iliyofunguliwa na mbunge wa Kigoma kaskazini Zitto Kabwe dhidi ya kamati kuu ya Chadema kwa madai kuwa uamuzi wa mahakama bado haujakamilika huku kukiwepo ulinzi mkali wa askari wa kikosi cha kutuliza ghasia FFU ambao walitanda kila kona ya mahakama hiyo.

Ulinzi huo ulimarishwa tangu majira ya asubuhi ambapo askari hao walikuwa na mabomu ya machozi, silaha za moto mbwa huku gari la maji ya kuwasha likiwa limeegeshwa pembeni, baada ya wafuasi wa Zitto na wafuasi wa Chadema kutanda nje ya mahakama hiyo wakisubiri maamuzi ya mahakama.

Baada ya jaji anayesikiliza kesi hiyo, John Utamwa kuiahirisha wafuasi hao wakiwa na mabongo yenye ujumbe mbalimbali wakati wanaondoka eneo hilo la mahakama walinusurika mabomu ya machozi baada ya kuanza kurushiana mawe na maneno ya kashfa huku wakiimba nyimbo mbalimbali kama wanavyosikika.

Hali hiyo iliwalazimu askari hao kuanza kupita wakiwatangazia wafuasi hao watawanyike, watii sheria bila shuruti kabla hawajachukuwa hatua nyingine zoezi lililochukuwa muda hadi walipoona askari waliokuwa kwenye pikipiki wanawafuata ndipo wakaanza kukimbia huku gari lililosheheni askari likiwafuata nyuma.

Mara baada ya kesi hiyo kuahirishwa nje ya mahakama hiyo baadhi ya wafuasi wa Zitto na wafuasi wa Chadema walikuwa na haya.

Zitto alifungua kesi dhidi ya baraza la wadhamini la Chadema na katibu mkuu, Willibrod Slaa akiiomba mahakama itoe zuio la muda la kamati kuu kutojadili suala la uanachama wake hadi rufaa yake itakaposikilizwa na  baraza kuu la Chadema,pia aliomba mahakama imwamuru Dk. Slaa ampe nakala za taarifa za vikao vilivyomvua uongozi ili akate rufaa.