Manchester United wamerejea tena kumfuatilia kiungo wao wa zamani Paul
Pogba, anayechezea mabingwa wa Italia, Juventus- ambaye bei yake sasa ni
takriban pauni milioni 60 (Sunday Express), Didier Drogba huenda
akarejea Chelsea kutoka Galatasaray ya Uturuki (Sunday Mirror),
Southampton watafanya mazungumzo wiki ijayo na Ronald Koeman ambaye
huenda akachukua nafasi ya Mauricio Pochettino (Mail on Sunday),
Manchester City watalipa pauni milioni 25 kumpata
beki wa Real Madrid Pepe, ili kusaidiana na Vincent Kompany (Daily Star
Sunday), Meneja wa Man United, Louis van Gaal amezungumzia kupendezwa
na Arturo Vidal, na kukiri kuwa ni mchezaji ambaye "angependa kumnunua".
Vidal kutoka Chile anayechezea Juventus, anasakwa na timu kadhaa
ikiwemo Real Madrid, Barcelona na Chelsea (Mail on Sunday), Arsenal
wanatazamia kumsaini tena Carlos Vela kutoka Real Sociedad kwa pauni
milioni 3.25 (Sunday Sun), Arsenal pia wanamtazama kipa wa Nice, David
Ospina, na huenda wakamfuatilia, lakini itategemea kiwango
atakachoonesha wakati wa Kombe la Dunia (Sunday Mirror) Real Madrid
watatazama dau kuanzia pauni milioni 40 kwenda juu kwa Angel Di Maria.
Manchester United na Arsenal zinamtamani mchezaji huyo kutoka Argentina
(L'Equipe), Paris St-Germain wanatazamia kuwazidi kete Arsenal,
Liverpool na Manchester United katika kumsajili Antoine Griezmann, baada
ya Eden Hazard kuhakikisha kuwa haondoki Chelsea (Daily Star) Carlos
Vela ameiambia klabu yake ya Real Sociedad kuwa amepata mkataba mnono
kutoka Atlètico Madrid (Marca). Share tetesi hizi na wapenzi wote wa
kandanda. Tetesi nyingine kesho, tukijaaliwa.
0 comments:
Chapisha Maoni