DA GEA AMPIGIA CHAPUO JUAN MATA MAN U

David de Gea ametoa wito kwa meneja anayekuja wa Manchester United,Louis van Gaal kuhakikisha anambakiza Juan Mata katika klabu hiyo majira haya ya joto.

Mabadiliko makubwa ndani ya Old Trafford yanaipa nguvu Man United kuwa tayari kuanza kampeni juu ya kujiimarisha kwa mara ya pili ndani ya kipindi cha miaka mingi.

Uongozi wa David Moyes ulionekana kushindwa na kuifanya klabu hiyo kufanya vibaya sana huku raia huyo wa Scotland akiondoka mara baada ya miezi tisa tu.

Moyes alifanikiwa kumsajili kiungo mchezeshaji wa kihispania,Mata kutoka Chelsea kwa kiasi kikubwa cha pesa mwezi Januari na kuthibitisha kuwa Man United inabaki kuwa na vipaji vikubwa.

De Gea anaamini ni kitu muhimu kwamba takwimu ‘muhimu’ ni agizo juu ya Van Gaal wakati akitaraji kurithi mikoba katika benchi la ufundi la klabu hiyo mara baada ya Kombe la Dunia hata kama ilitarajiwa,Man United watamwaga fedha tena katika jitihada za dhati za kurudi kwenye kinyang’anyiro cha ligi kuu ya Uingereza.

Mlinda mlango huyo wa timu ya Taifa ya Uhispania alisema:

Nisipenda kumuuza Juan Mata.Ni mchezaji muhimu sana kwetu.

Akaongeza kuwa:

Tumepata ubora na uimara pamoja na yeye na amezoea mazingira vizuri sana.

Nafasi ya Mata imekuwa ikileta maswali kutokana na ripoti kuhusu kutakiwa kwake na Barcelona huku Manchester United wakisema wapo tayari kusikiliza ofa kutoka kwenye klabu hiyo ya Nou Camp.Cesc Fabregas amekuwa katika mipango ya juu kabisa ya mashetani wekundu kwa kipindi fulani huku mfungaji wa goli la ushindi kwenye kombe la dunia,Andres Iniesta akiwa pia ameripotiwa kuwemo kwenye rada ya Van Gaal.De Gea anaamini nyota wote hao watakaribishwa Old Trafford huku akimuelezea Iniesta kama ni mmoja ya wachezaji wabunifu zaidi katika eneo la kiungo kutokana na uwezo aliouonyesha kwa miaka mingi.Huku akisisitiza:

Kama ningekuwa na mamilioni na mamilioni ya fedha,ningemnunua Iniesta.Ni mmoja wa wachezaji bora zaidi duniani.Ana ubunifu,ubora na uwezo wa kufunga magoli.Ana kila kitu.