UMEME WAKWAMISHA UWEKEZAJI TANGA

Baadhi ya kampuni na wamiliki wa viwanda mkoani Tanga, wameingiwa na hofu ya kupungua kwa kasi ya uzalishaji wa bidhaa za viwandani, kufuatia kutokuwepo umeme wa uhakika na ukataji holela wa huduma hiyo.

Hayo yalielezwa jana katika kongamano la wadau wa watumiaji wa umeme Kanda ya Kaskazini, lililofanyika mjini hapa na kuelezwa kuwa, ili kuwavuta wawekezaji wa ndani na nje, Serikali ilipatie ufumbuzi tatizo la umeme.

Walisema kutokuwepo kwa umeme wa uhakika ni chanzo cha uzalishaji mdogo wa bidhaa viwandani, jambo linalochangia kupunguza wafanyakazi wa viwandani.

Ilielezwa Serikali imekuwa ikikosa mapato kutokana na wawekezaji kushindwa kuzalisha bidhaa.