SIMBA AJERUHI MTU NAIROBI NCHINI KENYA NA KURANDARANDA BARABARANI

Simba aliyetoka katika mbuga ya taifa ya wanyama ya Nairobi amemshambulia mzee mmoja katika barabara kuu ya Mombasa Road karibu na eneo lala City Cabanas.

Afisa wa mawasiliano wa Shirika la Huduma kwa Wanyamapori (KWS) Bw Paul Udoto amesema kwamba muathiriwa huyo alikuwa na umri wa miaka 63 na alikimbishwa katika kituo cha matibabu ya dharura katika uwanja wa ndege wa Jomo Kenyatta na baadaye akapelekwa katika hospitali kwa matibabu kamili. Simba huyo ameelekezwa ndani kwenye mbuga.

Maafisa wanaendelea kushika doria kubaini iwapo kuna simba wengine walitoka mbugani.