UOGA WATANDA KWA VIJANA WEUSI MAREKANI

Mama wa Trayvon Martin, kijana Mmarekani mweusi aliyeuliwa Florida mwaka jana wakati akielekea nyumbani, anasema kufutwa kwa kesi ya mwanamgambo wa kulinda mitaa aliyemuuwa kumewafanya vijana wengi weusi wa Marekani kuwa waoga. 

 

Akizungumza na BBC, Sabrina Fulton, alitoa wito sheria inayoruhusu kutumia nguvu ya kuweza kuuwa iwapo maisha yako yako hatarini - anataka ibadilishwe katika jimbo la Florida na kwengineko Marekani.

Bi Fulton amepangwa kuhutubia maandamano yanayofanywa mjini Washington kuadhimisha miaka 50 tangu maandamano maarufu yaliyofanywa mjini humo kudai haki za watu weusi na ambayo yaliongozwa na kuhutubiwa na Martin Luther King.