TETESI ZA USAJILI KATIKA MAGAZETI YA UINGEREZA

Manchester United huenda wakawazidi kete Chelsea katika kumsajili Cesc Fabregas, kwa kuwa hawachezi Champions League msimu ujao, Barcelona wanaona hawatakuwa mahasimu wao wa moja kwa moja (Daily Express), hata hivyo Chelsea wako tayari kumpa Fabregas pauni LAKI MBILI kwa wiki ili kumshawishi kwenda Darajani (Metro), Liverpool wapo tayari kuacha kumsaka Adam Lallana, na kuelekeza nguvu zao kwa Lazar Markovic wa Benfica, na kuna taarifa kutoka Lisbon kuwa huenda mkataba huo ukaafikiwa kwa pauni milioni 25 (Daily Mirror), Tottenham wamepanda dau kumsajili beki wa kushoto wa Sevilla, Alberto Moreno, ambaye pia anasakwa na Liverpool. Spurs wametoa pauni milioni 14 pamoja na kiungo wao Etienne Capoue na Roberto Soldado- kwa mkopo (Daily Mail), Romelu Lukaku anatakiwa na Atlètico Madrid kwa mkopo ili kuziba pengo la Diego Costa, lakini Valencia wapo tayari kutoa pauni milioni 18 kumchukua jumla (Daily Mirror), Arsenal wanamfuatilia beki Nemanja Pejcinovic ambaye hana mkataba kwa sasa baada ya kuondoka Nice ya Ufaransa (Daily Express), Schalke ya Ujerumani na Al Ain ya Imarati zinamnyatia Joleon Lescott wa Manchester City (Sky Sports), Carlos Vela amehusishwa na kurejea Arsenal, lakini huenda akajiunga na Real Madrid (ESPN), Barcelona wapo tayari kutoa hadi pauni milioni 56 kumsajili Sergio Aguero kutoka Manchester City (Daily Star), vyanzo mbalimbali vya habari vinadai kuwa Diego Costa wa Atlètico Madrid tayari amefanya vipimo vya afya Chelsea na yuko tayari kujiunga rasmi na Blues kwa pauni milioni 32. Arsenal huenda wakatumia makubaliano ya kumnunua tena yaliyopo kwenye mkataba wa Carlos Vela, ili arejee Emirates (The Sun), Mario Balotelli anajiandaa kuondoka AC Milan na kujiunga na Galatasaray (Milliyet)