MVUA YAUA 32 AFRIKA KUSINI

Mafuriko yaliyosababishwa na mvua kali zilizonyesha huko Afrika Kusini yameua watu 32 na kupelekea maelfu ya wengine kukosa makazi.

Andries Nel Naibu Waziri wa Utawala wa Ushirika na Masuala ya Utamaduni wa  Afrika Kusini  amesema kuwa mvua kubwa iliyonyesha nchini humo imeua watu 32 na kupelekea wengine 3000 kuzihama nyumba zao katika manispaa ya Lephalale kaskazini mwa nchi hiyo.

Amesema watu 25 wamefariki dunia kwa kuzama majini, sita kwa radi na mmoja kwa kuangukiwa na ukuta. Waziri huyo wa Afrika Kusini amesema kuwa oparesheni za uokoaji kwa wale wote waliokumbwa na mafuriko zinaendelea na zoezi la kuwatafuta watu waliopotea tayari limeanza.  Afrika Kusini imekumbwa na mvua nyingi na zisizosita katika kipindi cha wiki mbili zilizopita huku maeneo yaliyoathiriwa vibaya yakiwa ya upande wa kaskazini na mashariki mwa nchi hiyo.