RPC MBEYA AWAVURUGA CHADEMA

CHAMA cha Demokrasia na Maendeleo (CHADEMA) Wilaya ya Mbeya Mjini kimetoa siku tatu kwa Kamanda wa polisi Mkoa wa Mbeya Ahmed Msangi, kukanusha kauli yake aliyotoa hivi karibuni ya kuwa atawafanyia “kitu mbaya”wafuasi wa chama wakiendelea na msimamo kuandamana.

 Viongozi wa CHADEMA Wilaya ya Mbeya Mjini walisema kuwa wanasikitishwa kamanda huyo kutoa kauli hiyo yenye lengo la kuwatishia usalama raia aliokabodhiwa jukumu la kuwalinda na mali zao.

Hivi karibuni Kamanda Msangi, alikaririwa na vyombo mabalimbali vya habari kwa nyakati tofauti kuwa kama CHADEMA wataendelea na msimamo wa kuandamana polisi  watawafanyia kitu kibaya.

Akizungumza na Waandishi wa habari jana Mwenyekiti wa CHADEMA wilaya ya Mbeya Mjini John Mwambija, alisema wamepata taarifa baadhi ya viongozi wakuu wanne wa chama hicho wamelengwa kuuawa.

Mwambija alisema awali walitoa siku tano kwa kiongozi huyo ili akunushe kauli hiyo waliyodhani ametekeleza lakini kwakuwa hajaomba radhi wanaamini alidhamiria.

Naye mbunge wa Mbeya Mjini, Joseph Mbilinyi ‘Sugu’alisema anasikitishwa na kauli ya kamanda Msangi inayohatarisha amani, umoja na mshikamano kwenye jamii.

Nadhani kinachomponza kamanda Msangi ni ugeni au cheo alichopewa….. anashindwa kukitumia kama wenzake walivyofanya wakati wakiwa hapa

alisema