MUGABE AIKOSOA MAGHARIBI

Rais Robert Mugabe wa Zimbabwe amekosoa vikwazo ilivyowekewa Russia na Magharibi kuhusiana na mgogoro wa Ukraine na kusema kuwa ni kinyume cha sheria. Mugabe amesema vikwazo vinapasa kuidhinishwa kwanza na Umoja wa Mataifa na kwamba vile ilivyowekewa Russia na nchi za Magharibi havijapasishwa na umoja huo. Rais Mugabe na Sergei Lavrov Waziri wa Mambo ya Nje wa Russia aliyeko ziarani nchini Zimbabwe jana walisaini makubaliano ya uwekezaji ya dola bilioni tatu, ambapo Russia itachimba madini ya platinamu huko Zimbabwe. Rais Mugabe amelaumu pia vikwazo vipya vya Magharibi dhidi ya Russia ambavyo vimelenga katika sekta za benki, nishati na ulinzi. Kwa upande wake Waziri wa Mambo ya Nje wa Russia amesifu nafasi ya Afrika katika nidhamu mpya ya ulimwengu sambamba na jitihada za Moscow za kuimarisha uhusiano na waitifaki wake wa Afrika. Amesema kuwa Afrika ni moja ya nguzo za ukuaji wa mfumo wa ulimwengu. Mgogoro wa Ukraine umesababisha kuvurugika uhusiano kati ya Russia na nchi za Magharibi.  Marekani na Umoja wa Ulaya zinaituhumu Russia kuwa na ina mkono katika mgogoro huko mashariki mwa Ukraine,tuhuma ambazo zimekanushwa na Moscow.