EU YASAIDIA KATIKA VITA YA EBOLA

Umoja wa Afrika AU umetuma timu ya wataalamu 30 na wauguzi katika nchi za Afrika magharibi ili kusaidia kuzuia kueneza virusi vya ugonjwa wa Ebola katika nchi zilizoathirika. 

AU imeeleza kuwa timu hiyo ya waliojitolewa kwenda kwenye nchi zilizoathiriwa na Ebola inajumusha wataalamu wa magonjwa ya mlipuko, tiba, wataalamu wa afya ya umma na afisa mawasiliano. 

Imepangwa kuwa timu hiyo itaanza kufanya kazi nchini Liberia tarehe 17 mwezi huu wa Septemba ambapo pia kundi la pili la wataalamu litaelekea nchini Sierra Leone wiki ijayo.

Wakati huo huo, Umoja wa Ulaya unafanya mkutano mjini Brussels unaowakutanisha mawaziri na maafisa wa ngazi za juu kwa lengo la kushirikiana na Umoja wa Afrika katika kukabiliana na ugonjwa hatari wa Ebola.  

Kwa mujibu wa Shirika la Afya Duniani (WHO), zaidi ya watu 2,300 wamekwishapoteza maisha kutokana na ugonjwa huo, huko magharibi mwa Afrika.