KATIBA YAZUA UTATA SONGEA

Wakati bunge la katiba likiendelea na vikao vyake mjini Dodoma baadhi ya wananchi Songea vijijini hawajawahi kuiona katiba na hawajui inazungumzia nini huku wanaharakati mkoani Ruvuma wakitaka kufanyike maridhiano ya pande zote mbili kwa kuwa haiwezi kupatikana katiba ya upande mmoja.

Hayo yamebainika katika mdahalo wa katiba ulioandaliwa na shirika la Restles Development na kufanyika mpandangindo Songea vijijini mkoani Ruvuma ambao umekuwa ukihusiana na haki za wanawake  katika katiba mpya na kuwaandaa wananchi kuipigia kura katiba  itakayopitishwa na bunge la katiba  ili iwe katiba kamili.

Kufuatia hali hiyo mashirika mbalimbali yasiyokuwa ya kiserikali yamekuwa yakiendelea kutoa elimu ya katiba kwa wananchi licha ya midahalo hiyo kupigwa vita na baadhi ya viongozi wa serikali ambapo wananchi wamekuwa wakishukuru kwa kupatiwa elimu hiyo.

Kwa upande wake mwanaharakati wa haki za wanawake na watoto mkoani Ruvuma Bi. Anna Tembo ametoa wito kufanyike mardhiano kati ya pande mbili zinazosigana ili iweze kupatikana katiba mpya kwa kuwa haiwezi kupatikana katiba ya upande mmoja.