RIPOTI YA VITA YA RWANDA NA DRC CONGO YAWEKWA WAZI

Wasimamizi wa kimataifa wametoa ripoti kuhusiana na mapigano yaliyojiri kati ya askari wa Jamhuri ya Kidemokrasia ya Kongo na Rwanda. Timu ya wachunguzi wa mipaka katika eneo la Maziwa Makuu baada ya kufanya uchunguzi wametoa ripoti iliyoeleza kuwa, kinyume na madai ya Rwanda mapigano hayo yalijiri katika miinuko ambayo ipo katika ardhi ya Jamhuri ya Kidemokrasia ya Kongo. Timu hiyo iliyojumuisha wawakilishi kutoka nchi 10 duniani imesema kwenye ripoti yake hiyo kuwa, katika mapigano hayo imeonekana kuwa, askari watano wa Kongo walipigwa risasi kichwani. Hii ni katika hali ambayo maafisa wa Kongo wanadai kwamba wahanga hao walinyongwa huku Rwanda ikidai kwamba askari hao waliuawa baada ya kuingia katika ardhi yake.

 Katika ripoti hiyo nchi mbili hizo jirani zimetakiwa kuepuka kupeleka askari kwenye miinuko hiyo yenye kuzozaniwa ili kuepusha kukaririwa tukio kama hilo. Pia tume hiyo ya wasimamizi wa kimataifa imetaka kuitishwa haraka mkutano wa viongozi wa nchi mbili hizo ili kutatua hitilafu zao.