TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 27.01. 2014.

WATU WAWILI WAFARIKI DUNIA KATIKA AJALI ZA BARABARANI MKOANI MBEYA.

WATU WAWILI WAFARIKI DUNIA KATIKA MATUKIO MAWILI YA AJALI ZA BARABARANI. KATIKA TUKIO LA KWANZA MNAMO TAREHE 26.01.2014 MAJIRA YA SAA 08:30HRS HUKO KATIKA KIJIJI NA KATA YA SANTILYA WILAYA YA MBEYA VIJIJINI KATIKA BARABARA YA VUMBI MTU MMOJA ALIYETAMBULIKA KWA JINA LA ELISHA NONGWA (40) MKAZI WA KIJIJI CHA CHISONDA ALIFARIKI DUNIA BAADA YA GARI LENYE NAMBA ZA USAJILI T.143 ALF AINA YA M/FUSO WALILOKUWA WAKISAFIRIA KUPINDUKA KATIKA ENEO HILO. UCHUNGUZI UNAONYESHA KUWA CHANZO CHA AJALI HIYO NI BAADA YA GARI HILO KUSHINDWA KUPANDA MLIMA NA KURUDI NYUMA KISHA KUPINDUKA. DEREVA  ALIKIMBIA NA KULITELEKEZA GARI ENEO LA TUKIO, JUHUDI ZA KUMTAFUTA ZINAENDELEA. MWILI WA MAREHEMU UMEHIFADHIWA KATIKA HOSPITALI YA RUFAA MBEYA. KATIKA TUKIO LA PILI, MNAMO TAREHE 25.01.2014 MAJIRA YA SAA 21:00HRS HUKO ENEO LA BAGAMOYO WILAYANI RUNGWE BARABARA YA MBEYA/TUKUYU MTU MMOJA ALIYETAMBULIKA KWA JINA LA LUGANO SIMON (29) MWENDESHA PIKIPIKI YENYE NAMBA ZA USAJILI T.233 CJA AINA YA BOXER ALIFARIKI DUNIA WAKATI AKIENDELEA  KUPATIWA MATIBABU KATIKA HOSPITALI YA SERIKALI MAKANDANA – TUKUYU BAADAYA KUGONGWA NA GARI LENYE NAMBA ZA USAJILI T.309 BM AINA YA TOYOTA DYANA MNAMO TAREHE 25.01.2014 MAJIRA YA SAA 21:00HRS. CHANZO CHA AJALI NI MWENDO KASI WA GARI, DEREVA ALIKIMBIA NA GARI MARA BAADA YA TUKIO. MWILI WA MAREHEMU UMEHIFADHIWA HOSPITALINI HAPO. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA

WITO KWA MADEREVA KUWA MAKINI WANAPOTUMIA VYOMBO VYA MOTO KWA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA MTU YEYOTE MWENYE TAARIFA ZA MAHALI WALIPO WATUHUMIWA WA MATUKIO HAYA AZITOE KATIKA MAMLAKA HUSIKA ILI WAKAMATWE NA SHERIA ICHUKUE MKONDO WAKE.

WATU SITA WAKAMATWA KWA KOSA LA KUCHEZA KAMARI.

WATU SITA WANASHIKILIWA NA JESHI LA POLISI MKOANI MBEYA BAADA YA KUKAMATWA WAKIWA WANACHEZA KAMARI HUKO KATIKA ENEO LA NSALALA WILAYA YA MBEYA VIJIJINI. KATIKA MSAKO ULIOFANYIKA MNAMO TAREHE 26.01.2014 MAJIRA YA SAA 20:00HRS EMANUEL SAMWEL (23) AKIWA NA WENZAKE WATANO WALIKAMATWA WAKICHEZA KAMARI KINYUME NA SHERIA ZA NCHI. TARATIBU ZINAFANYW                                             A ILI WAFIKISHWE MAHAKAMANI. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII HASA VIJANA KUACHA TABIA YA KUSHIRIKI KATIKA MICHEZO ISIYORUHUSIWA KISHERIA NA BADALA YAKE WATAFUTE SHUGHULI ZA KUFANYA ILI WAJIPATIE KIPATA HALALI.

MTU MMOJA ASHIKILIWA NA JESHI LA POLISI MKOANI MBEYA AKIWA NA NYARA ZA SERIKALI PAMOJA NA SILAHA MBILI AINA YA GOBOLE.

JESHI LA POLISI MKOANI MBEYA KWA KUSHIRIKIANA NA ASKARI WANYAMAPORO WA PORI LA RUNGWE LINAMSHIKILIA MTU MMOJA AITWAYE DAUDI CHEREHANI (27) MKAZI WA BITIMANYANGA BAADA YA KUMKAMATA AKIWA NA NYARA ZA SERIKALI NYAMA YA NYATI UZITO WA KILO TANO [05] PAMOJA NA SILAHA MBILI [02] AINA YA GOBOLE BILA KIBALI AKIWA NYUMBANI KWAKE.  MTUHUMIWA NI MUWINDAJI HARAMU, TARATIBU ZA KISHERIA ZINAFANYWA ILI AFIKISHWE MAHAKAMANI. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA MARA MOJA UWINDAJI HARAMU KWANI NI KINYUME CHA SHERIA. AIDHA ANATOA WITO KWA JAMII KUFUATA TARATIBU ZILIZOWEKWA KISHERIA ZA KUMILIKI SILAHA, VINGINEVYO KWA YEYOTE ANAYEMILIKI SILAHA BILA KIBALI AJISALIMISHE MWENYEWE MARA MOJA.   

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.