P FUNK SASA ATAKA UNDER GROUNDS

STUDIO ya Bongo Record iliyo chini ya mtayarishaji mkongwe nchini, P Funk Majani, inatafuta wasanii wapya wenye vipaji ikiwa ni pamoja na wale wanaojijua kama wana bahati.

Akizungumza jijini Dar es Salaam jana, Majani alisema anatafuta wasanii watano ambao watafanya kazi chini ya lebo ya Bongo Record kwa upade wa wanawake na wanaume.

Alisema anataka kuchanganya pamoja ili atengeneze kundi ambalo atatangaza nia yake hapo baadae, kwa wasanii wa Bongo fleva, hip hop na watayarishaji.

Hao wote watakuwa kwa lebo ya Bongo Record ambayo ilikuwepo zamani ikijengwa na wasanii mbalimbali, sasa hivi tumerudi tena kwa lengo la kukuza muziki wetu

alisema.

Majani alisema kwa yeyote ambaye anataka kuwa chini ya lebo hiyo anatakiwa kutuma kazi zake kwenye bongo_recordz@yahoo.com ili kumuwezesha zionekane.