NYOKA ACHOMA NYUMBA

Mwanamke mmoja mjini Texas nchini Marekani ameteketeza nyumba yake kwa moto wakati akijaribu kumuua nyoka aliyeingia ndani kwake, kwa kumpiga kiberiti.
Moto huo uliowashwa kwa ajili ya kumchoma moto nyoka, uliishia kuteketeza nyumba mbili, kimesema kituo cha habari za KHOU.

Wakati akisafisha nyumba yake, aliona nyoka, na kumwagia petroli, na kumwasha moto

amesema naibu Liwali Randall Baggett na kuongeza:

Na nyoka huyo akaingia kwenye kichaka, ambacho kilishika moto na moto kushika kwenye nyumba.

Tovuti ya Timeslive.co.za imemkariri mkuu wa zimamoto David Wesslehoft akisema wanachunguza moto huo lakini si ajabu kwa mnyama anayeungua kusambaza moto. Hata hivyo amesema hii ya nyoka kuchoma nyumba ndio mara ya kwanza anaisikia.