KIPINDUPINDU CHAITETEMESHA NIGERIA

Watu sita wamefariki dunia na wengine wengi kuambukizwa ugonjwa wa kipindupindu katika jimbo la Kano kaskazini mwa Nigeria. Abubakar Labaran Yusuf Kamishna wa Afya wa Nigeria amesema kuwa watu sita wamepoteza maisha kati ya jumla ya kesi 46 za maradhi ya kipindupindu zilizosajiliwa hadi sasa. Kamishna wa Afya wa Nigeria amesema kuwa sababu kuu inayosadikiwa kuwa chanzo cha maambukizo hayo ya kipindupindu ni kuchafuka kwa maji.

Katika upande mwingine, taasisi moja ya kujitolea ya ISMA Medicare Initiatives imedai kuwa watu waliokufa kutokana na maambukizo ya kipindupindu ni kubwa zaidi ya hiyo iliyotajwa. Taasisi hiyo imesema kuwa, watu 16 wamefariki dunia katika siku sita zilizopita. Surajo al Kassim afisa wa taasisi hiyo ya ISMA Medicare Intitiatives amesema kuwa, jumla ya watu 701 wameshambukizwa hadi sasa, huku wengine 20 wakiwa na hali mbaya.