2 WAFA NA WENGINE 40 KUJERUHIWA KATIKA AJALI YA BASI

Watu wawili wamekufa papo hapo  baada ya basi la Zuberi waliokuwa wakisafiria kutoka Mwanza na kuelekea jijini Dar-es-Salaam kumkwepa bibi kizee mtembea kwa miguu katika kijiji cha Tumaini tarafa ya Ikungu katika wilaya ya Ikungi mkoani Singida.

Akithibitisha kamanda wa polisi mkoani Singida SACP Geofrey Kamwela amesema basi hilo lenye usajili wa namba  T 119 AZZ ambalo lilikuwa na abiria sitini likitokea Mwanza kupitia Singida limepata ajali baada ya kumkwepa mtembea kwa miguu na hatimaye lika anguka na kuserereka  umbali wa mita hamsini.

Kwa upande wake mganga mfawidhi wa mkoa wa Singida  daktali Geogratius Banubasi amesema wamepokea maiti moja na nyingine ikiwa njiani kupelekwa hospitalini kutoka eneo la ajali ,pia wamepokea majeruhi  arobaini ambao wengi wao wamevunjika mikono na kusababisha kuikata na wengine wamepata majeraha sehemu mbalimbali  ya miili yao, pia majeruhi wanne wanahalimbaya na wanapelekwa hospitali ya rufaa ya KCMC mkoani Kilimanjoro.

Kwa upande wao majeruhi waliokuwemo katika basi hilo na mashuhuda walioshuhudia ajali hiyo wamesema  walimuona  bibi kizeee Barabarani na dereva wakati anamkwepa basi lilitoka nje ya barabara na kutereza hatimaye kuanguka