KANISA KATOLIKI NA MAKASISI WANAOTUHUMIWA NA UBAKAJI

Kanisa katoliki nchini Marekani limezuia kuchukuliwa hatua ya kisheria ya watu waliobakwa na makasisi.

Ripoti kutoka Marekani zinasema kuwa, Kanisa Katoliki lilizuia kupasishwa sheria ya kuwakamata na kuwafungulia mashtaka makasisi watakaopatikana na hatia ya kuwabaka watu hususas watoto wadogo.

Ripoti hiyo inaeleza kuwa, kanisa hilo lilifanya kila lililoweza kuzuia muswada uliokuwa umewasilishwa Bungeni ambao kama ungepasishwa na kuwa sheria, basi ungewafuatilia kisheria makasisi wa kanisa hilo watakaokabiliwa na tuhuma za ubakaji hususan watoto wadogo.

Taarifa zaidi zinasema kuwa, kupasishwa sheria hiyo kungekuwa na ahueni kubwa kwa wahanga wa vitendo vya ubakaji vinavyofanywa na makasisi wa kanisa katoliki nchini Marekani, vitendo ambavyo vimeripotiwa kuongezeka katika miaka ya hivi karibuni.

Katika kuhalilishwa kutopasishwa kwa sheria hiyo kanisa hilo limedai kwamba, kama sheria hiyo ingepasishwa ingekuwa na madhara makubwa ya kifedha kwa taasisi zinazojuhusisha na masuala ya watoto.

Kashfa mbalimbali za kimaadili na kifedha zilizoikumba Vatican na Kanisa Katoliki katika miaka ya hivi karibuni zimekuwa zikigonga vichwa vya habari na kuwa gumzo kubwa lisilokwisha duniani. 

Hayo yanajiri katika hali ambayo, kuna mamia ya kesi za ubakaji na ulawiti zinazowakabili makasisi ambazo zimerundikana katika mahakama za Ulaya na Marekani zikisubiri kufanyiwa uchunguzi jambo ambalo kwa hakika limeshusha hadhi ya Kanisa Katoliki ulimwenguni.