KAULI YA FROLA MVUNGI BAADA YA WIMBO WAKE KUKUBALIKA

Staa wa filamu za Kibongo ‘Bongo Movie’ aliyegeukia muziki wa Bongo Fleva, Flora Mvungi, amesema hajaingia katika tasnia ya muziki huo kwa kubahatisha, kwani alianza kuimba kabla watu hawajamfahamu kupitia filamu.

Akizungumza jijini Dar es Salaam jana, Flora alisema anawaomba mashabiki wa kazi zake za muziki wakae mkao wa kula kwa ajili ya ujio wa kibao chake kipya kinachokwenda kwa jina la ‘Kidogo’.

Alisema katika kibao hicho ameshirikiana na mume wake ambaye pia ni msanii na nahodha wa timu ya Bongo Fleva, Hamisi Ramadhani maarufu kwa jina la kisanii la ‘H Baba’.

Nimeamua kuingia kwenye Bongo Fleva, nina imani ninaweza na nina kipaji, sio kwamba nimetoa kazi hiyo kisha nitapotea tena, hapana. Mashabiki watarajie wimbo pamoja na video, pia nitaendelea kutoa nyimbo mfululizo

alisema.

Mwanadada huyo aliyejipatia umaarufu katika kipindi cha televisheni cha ‘Bongo Dar es Salaam’ ambacho kilikuwa kikiongozwa na nyota wa filamu nchini, Kulwa Kikumba ‘Dude’ alishawahi kutamba kwenye filamu mbalimbali kama ‘Mama Kijacho’, ‘The Passion’, ‘God Promise’, ‘Secrety of toy’ na nyinginezo nyingi.