LEO NI EDUL FITR KWA BAADHI YA NCHI ZA KIISLAM

Wafuasi wa dini tukufu ya Kiislamu katika nchi za Iraq, Uturuki, Qatar, Misri, Saudi Arabia na Bahrain leo wanasherehekea sikukuu ya Idul Fitr baada ya kumalizika mfungo wa mwezi mtukufu wa Ramadhani. Taarifa zinasema kuwa, katika nchi nyingine kama vile Umoja wa Falme za Kiarabu, Jordan, Kuwait, Yemen, Syria, Lebanon, Afghanistan, Tajikistan, Kazakhstan na Palestina leo Jumatatu ni tarehe Mosi Shawwal. Hali kadhalika, Waislamu nchini Rwanda leo wanasherehekea sikukuu ya Idul Fitr. Hata hivyo, nchi nyingi duniani zimetangaza kuwa, sherehe za sikukuu ya Idul Fitr zitafanyika kesho Jumanne. Nchi kama vile Jamhuri ya Kiislamu ya Iran, Pakistan, Tanzania na Azerbaijan zimetangaza kuwa sherehe za Idul Fitr zitafanyika kesho.