UHABA WA PETROL WAIKUMBA MTWARA

Mji wa Mtwara umekubwa ghafla na ukosefu wa mafuta ya petrol kwa siku ya 2 na kuadhiri huduma za usafiri na usafirishaji hasa usafiri wa kutumia bodaboda, huku hofu ikitanda ya kuibuka kwa bei ya ulanguzi , kutokana na ukosefu huo.

Fichuo ilishuhudia vituo vingi vya kuuzia mafuta mjini mtwara havina petrol na kukuta kwenye kituo kimoja tu kukiwa na foleni ndefu ya waendesha bodaboda na magari, wateja wengine wakija na madumu, na walipoulizwa wamelalamika kuwa,  ukosefu huo ni mbinu za wafanyabiashara wa mafuta kutaka kuwalangua, kwani hakuna sababu zo zote za kutokea kwa ukosefu huo wa petrol, ikizingatiwa mawasilino wa barabara kati ya dar es salaam na mtwara  yameimarika, na hivyo wameitaka serikali, kuingilia kati tatizo hilo, kwani kupitia biashara ya boda boda vijana wengi wameweza kujipatia ridhiki.

Kwa upande wake meneja wa kituo cha mafuta cha Gapco Ally Mpunjo amekiri mji wa Mtwara kukubwa na ukosefu mkubwa wa mafuta ya petrol kwa siku 2 sasa, lakini akakanusha kuwa hali hiyo ni mbinu za wafanyabiashara, badala yake amedai, imetokana na kuongezeka wa wateja wa petrol hasa bodaboda ukilinganisha na uwezo wa vituo vya mafuta vilivyopo, huku akitolea mfano kituo chake hicho wastani wa bodaboda zinazotia mafuta kwa siku ni kati ya 400 na 500.