TETESI ZA USAJILI KATIKA MAGAZETI YA ULAYA

Beki wa Arsenal Thomas Vermaelen amekubali kimsingi kuingia mkataba na Manchester United msimu ujao (Daily Telegraph), Antonio Cardeva anayesakwa na Liverpool huenda akaondoka Lazio akitafuta kucheza Champions League (Daily Express), Roberto Martinez wa Everton anataka kusajili wachezaji saba, akiwemo Romelu Lukaku, na Jeremain Lens na Stefan de Vrij kutoka Uholanzi (Daily Star), Arsenal huenda wakamkosa Alvaro Morata baada ya Wolfsburg kutoa dau la pauni milioni 15.9 kwa straika huyo wa Real Madrid (Independent), Arsenal wanamfuatilia beki wa kulia wa Real Sociedad Joseba Zaldua (Daily Mirror), Athletic Bilbao inamtaka beki wa Arsenal Nacho Monreal aliyejiunga na Emirates kwa pauni milioni 8 mwaka jana (Daily Express), Sunderland wapo karibu kumsajili kipa Costel Pantilimon ambaye ameambiwa mkataba wake hautaongezwa Manchester City (Times), Inter Milan wanamtaka Romelu Lukaku ambaye inadaiwa alikwaruzana na Mourinho (Gazetta dello Sport), Louis van Gaal anataka kuimarisha kuigo cha Man U kwa kumchukua Fredy Guarin kutoka Inter Milan (Daily Mirror), Barcelona wanakaribia kumsajili Gonzalo Higuain kuoka Napoli (Marca), Arsenal wanajipanga kumchukua beki wa kulia wa Everton Seamus Coleman (Daily Star), kiungo wa Barcelona Xavi anakaribia kusaini mkataba wa miaka mitatu na El Arabi ya Qatar (Cadena Cope), Arsenal wana matumaini ya kumsajili kiungo wa Real Madrid Sami Khedira (Sport).