WEWE NI MPENZI WA EXTRA BONGO? HII NI KWAAJILI YAKO

MKURUGENZI wa bendi ya Extra Bongo, Ally Choki jana ametoa ratiba ya maonyesho ya bendi yao wakati wa kusherehekea Sikukuu ya Idd.

Choki alisema katika onyesho la kwanza siku ya Idd mosi, watakuwa katika ukumbi wa Jembe Beach uliopo jijini Mwanza na Idd pili watakuwa mkoani Shinyanga huku Idd tatu watakuwa Bariadi.

Aliongeza Agosti mosi, wanatarajia kufanya onyesho mjini Musoma na Agosti 2, watakuwa wilayani Kahama na siku itakayofuata watatikisa Geita.

Alisema wakiwa katika ziara hiyo mikoani, watatumia fursa hiyo kuutangaza wimbo wao mpya unaokwenda kwa jina la ‘Kichwa Chini’  ambao waliuzindua siku chache kabla ya Mwezi mtukufu wa Ramadhani.

Choki amewataka wakazi wa mikoa ya Kanda ya Ziwa kujitayarisha kupata burudani ya aina yake.