MWANAUME ACHOMA MOTO NYETI ZA MKEWE TARIME

Agnes Marwa (18), mkazi wa Mrito, Kata ya Kemambo, Wilaya ya Tarime, mkoani Mara, ameunguzwa sehemu za siri kwa moto baada ya mume wake kudaiwa kumkuta na Sh2,000 kwenye pochi.

Inadaiwa baada ya kumkuta na fedha hizo, alimtuhumu kuhongwa na wanaume na kuanza kumpiga, kisha kumfunga nje akinyeshewa na mvua baadaye kuchukua kiginga cha moto na kumchoma sehemu za siri.

Akisimlia mkasa huo kwenye Kituo cha Afya Sungusungu Nyamongo alikolazwa, Agnes alisema mumewe amekuwa na tabia ya kumpiga hivyo aliona ni hali ya kawaida, lakini alishtuka baada ya kupelekwa nje na kufungwa kwenye mti na kuanza kuchomwa moto.

Alisema alilia sana kuomba msaada kutokana na maumivu aliyokuwa anayapata, lakini hakuna mtu wa karibu aliyejitokeza kutokana na mumewe kuogopwa na majirani kwa ubabe wake.