AKAMATWA NA PEMBE ZA NDOVU MOROGORO

Mtu mmoja aliye julikana kwa majina Fedelisi Muhamedi (40) mkazi wa kijiji cha Malolo mikumi mkoani Morogoro anashikiliwa na jeshi la polisi kwa tuhuma za kukutwa na meno manne ya tembo baada ya kuuwa tembo wawili.

Kamamda wa polisi mkoa wa Morogoro Leonard Paul amesema  mnamo tarehe 22 june majira ya saa 12 jioni katika kijiji cha Malolo mikumi kwenye hifadhi ya udizungwa wananchi walisikia mlio wa risasi ambapo tayari tembo wawili  madume waliuawa  na kutolewa meno ambapo wananchi walitoa taarifa kwa jeshi la polisi na jeshi hilo kuanza msako na kumkamata  mtuhumiwa  Fedelisi Muhamedi aliyewaonyesha sehemu yalikowekwa meno hayo  yakiwa pamoja na bunduki moja na shoka vifaa wanavyotumia kuwaulia tembo.

Aidha kamanda Leonard Paul amewataka wananchi mkoani Morogoro kushirikiana na jeshi la polisi kubani na kutoa taarifa za uhalifu katika maeneo yao ili yaweze kudhibitiwa mara moja huku akiwataka wananchi kusherekea sikukuu ya Edd il fitri kwa amani na utulivu ambapo amewahakikishia wakazi wa mkoa wa Morogoro jeshi litaimarisha ulizi katika maeneo yote ya ibada katika kukabiliana na matukio ya uhalifu.